[size=24]تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس ..
- وفيه بنات يلبسون نظارات شمسية جديدة (توهم شارينها من أبو ريالين او يلا حتى نكشخهم من بوخمسه ) المهم يستعرضون فيها وإذا زلت بنت لا قدر الله وسألتها عن ماركة النظارة تنطط الأرانب وتقول والله من كرستيان ديور أو برومود أو مانجو وتقوم تطلع كلللللللل أرانبها الماركة أصلاً هي (من بسطتهم اللي جنب البقالة اللي قدام البيت )
- والبنات الاذكية الدوافير ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه ابله شرحي لي هالدرس مو فاهمته عفيه ابله والله كنت تعبانه
- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي تاريخه ......
ثانيا الشباب يلا حتى مايصير تحييز :
خلونا من البنات وانروح انشوف وش يسووووون الشباب في الفسحة ..
- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين من الشباب ينتظرون متى يروح المدير او الوكيل او فراشهم بوعلي اللي صار له واقف ساعة قدام الصف واول مايتحرك خطوتين يشلون شلايلهم وينطون من الجدار ويشردون من المدرسة ويمرون على كم محل في طريقهم وبعد نص ساعة يرجعون المدرسة
( الله يرحم ايامك يابوعراده )..
- وشلة تروح وره المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يشوفون الا المدير حابسهم في غرفة الاحتجاز ويسوي تليفون حق ابهاتهم .
- اما واحد تشوفه فارش غترته على الارض او مصلاه ويكمل رقاده ( لان طول الليل مارقد يشوف فلم وجالس ع المسن والا يكلم شيسمونه والا يلعب بليستيشن)
- او جماعه حاجزين لهم فصل فاضي ومطرشين لهم واحد مسكين اهو مطراشهم يطلبون كل اللي بالمقصف والمسكين تلاقونه مااخذ كل المبلغ كامل مال الطلبات وكل مره يدفع الباقي من جيبه
وبس واللي عنده اضافات يقول
تحياتي ولا حديزعل
الأربعاء أكتوبر 10, 2007 3:28 pm
